10-10-2024
Hoeg in de loch
zeen iech ’t toch
t geit weer verandere
t weurt aanders
Veranderinge zien alledaogs
en daorum zegk iech t weer obbenuits
ich zeen ’t weer verandere
dao wejt straks eine aandere wind
jao echwoer, gans vaanoet ‘n aandere hook
Hoeg in de loch
iech zegk uuch ’t nog eine kier
’t geit gebräöre,
Zèt ‘ne stap nao links
‘ne stap nao achtere
eine stap nao rechs
eine veuroet
iech zeen ’t
geer zeet zeutgezaaijte
mèt uuch koum iech wijer
astrein geit ’t gebäöre
strak in ’t pak, mèt sjoen gepòtste sjeun
Hoeglöstegheid geit ’t us belaove
Drei daoge en drei nachte maag geer viere,
toeke, zinge, bloze, toetere, houwe op de trom
en daan is ’t weer wie vaanaajds
Hoeg in de loch steit gesjreve
goejt uuch d’r door, laot uuch goon,
tradities zalle neet verandere
Iech zeen ’t gebäöre, hoeg in de loch
ein dink wèt geer toch
hiel väöl is, gebakke loch
©Jean
