11-10-2024

Heer is wegbezuinigd
Zoegenaomp op onverklaorbare wijze vertrokke

’t waor ‘ne gooje

Dao is väöl bezuinig
dat waor nudeg
bij de ambtenere vaan de gemeinte

dao loupe zoeväöl lui roond
en ederskier mie en aandere zoetot zelfs iech neet mie weet boe iech mot zeuke,
iech weet ech neet mie boe iech mot zien

Noe höbe ze miech gevraog of iech ins zou wèlle kieke boe de lui allemaol veur deene,
neet wat ze verdeene, want dat is ummertouw te väöl noavenant…. meh boe… boe ze ’t verdeene?

Even wachte,,,,,, iech moot aosem hole

Zie zien zwart-wit,
stoon roet
soms zien ze ouch geel en gruen
praote väöl, zègke niks
drinke geer.. en veurtot geer ’t wèt
höbe ze ’t ever polletiek

klaar water…, heldere geis…,
weet boe geer aon begint er geer wèlt sollicitere
want veur dat geer ’t weet
weurt geer wegbezuinigd

Ze zeuke lui die wèrke
Die get kinne ėn die mètwèlle

De moos good kinne praote, dat wèlt zegke drumheendreije,
good kinne applaudisseren, dat wèlt zegke de zaak opstange,
jao-knikke, nein gein bojzeke doon meh instummend knikke,
good kinne rekene, zoetot de niks te kort kuumps,
vruntelek lache, zoetot de geer gezien weurs.

Gedraag diech neet prinselek want daan…
daan, daan, daan geit ’t gebäöre…
Daan weurs diech nao drei daog
WEGBEZUINIGD
op onverklaorbare wijze vertrokke.

©Jean