12-10-2024

Mien hel sjijf zit vol
dao kint niks mie bij

Joa dat is ein groet probleem boe iech ’t eins geer met uuch euver zou wèlle proate

Die vaan miech zeet, leveke, sjattepie, beste jong, poemelke vaan miech, de moos neet zoeväöl achter ’t sjerm zitte

Iech höb un hartstikke leeve sjat vaan ’n vrouw
Meh help miech eins
Iech bin op zeuk nao de wäörd en kin ze neet mie vinde,

mien hel sjijf zit vol
iech kin niks mie vinde

tis neet dat iech neet zeuk
meh t liek wel of “weet iech vaol” ze meuj is

zoe traag wie….
iech bin good opgetrokke en maag neet euver stroont sjrieve, dus dat laot iech aon uuch um zellef in te völle

Mien hel sjijf liek op een bejaarde, neet um veurroet te branne
en toch bin iech aon häör gehech

Ze heet un sjermke, plus 10 aon de eine kant en de aandere kant zuut ’t zwart

iech snap werkelek neet boerum iech zoeväöl en zoe gere bij häör in de buurt bin
Boe zou dat toch vaan koume dat iech zoe väöl vaan häorr haw?

Vreuger waor ze snel
en op welk knupke iech ouch duide
’t waar noets neet genòg
alles accepteerde ze
ze kös er gein genòg vaan kriege

en noe zit iech mèt häör, met de han in ’t haor
weet neet mie wat iech mèt häör mot doon.

Wee heet un oplossing veur mien groete hèl sjijf?

65+inch
traog
commandoos volg ze neet mie op
heet ze navenant noets neet geer gedoon
wel snel zien want ze löp op häör lètste beine.