Iech bin vaan eine zekere leeftijd dat iech alles
weet
maag
en daon
Iech bin vaan ein bepaald kalieber dat iech väöl
deenk
preuf
en gewiechteg bin
Iech bin in zekere zin eine doezendpoet
trap euverjal in
höb gein oere
en kloag veural neet
Iech kin miech zellef al te good
höb gein gebruuksbesjreiving
luister veural nao kwatsch
en gaon binnenkort de polletiek in
Iech bin net zoe eine apaarte
blijf geer op de achtergroond
en luuster
zoe tot iech neet te väöl vraoge krijg
Iech bin good veur de lui
veural makke sjäöpkes
hawt miech in iere
en weet wel
iech bin eine gouwe
niks te fitten
eine niks
eine gouwe niksefit
hawt miech in iere
aanders pen iech euver uuch
en bin iech nog neet met uuch
klaor
