13-10-2024
Iech kiek door miene verrekieker, nog neet ins zo wied
Iech wow ungeveer 15 joar veuroet kieke
iech zaog ’t neet sjerrep en dreide aon alle knòppe die iech kòs vinde
Wie iech neve miech keek zaog iech mien vrow
15 jaor jonger
Noe vraog iech uuch,
wat geef geer veur……. miene wiedkieker?
©Jean van Gasteren
13-10-2024
Neet te geluive
Lès waor iech in ’t centrum
en wat deenk geer dat iech zaog
miljaar tis neet te geluive,
wèrklui in de Staat
en….. ‘n paar knaplestige vrouwlui die stoonte te zinge
De heren sjaomde ziech umtot die dames hunne bloete dikke boek en een blomvaas aon de achterkant zaoge en ze ziech aongesroke veulde wie die dames euver hunne strakke boek wreve en ‘t votlook nao achter duijde.
Jao leuk um te zien
Snel pakde iech miene fotocamera en lag iech vaan alles vas op ’n pleetsje.
Wie iech toeskoum bin iech nao miene doka gerend en tot mien verbazing en wie kin ‘t ouch aanders bin iech in slaop gevalle.
Wie iech wakker woord stoon er nog eine lach op mien geziech.
Neet te geleuve, wat iech uuch noe höb vertelt is ech echwoer gebeurd.
Iech had wel neve die bowvakkers kinne staon.
Allein iech höb gein buukske, gein zweit op de kop en bin zeker ’n gans stuk knapper.
Miljaar ’t is neet te geluive.
Echwoer, neet te geluive
©Jean van Gasteren
13-10-2024
Baank
Op de baank of in de zedeleer
Die Mestreechtenere die kinne d’r wel get vaan.
De godsganselijke daag höbe of zitte ze op de of bij de baank. De hèls t neet veur meugelek.
Boe iech aoch kom, ’t maak gein versjèl
De zuus ’t al vaan wied aof
Gezat, neuchter achtereuver leunend en allewijl mèt n doppedoes.
Ze höbe t good
niks te doon, sorrie niks aon doon
laot ze meh
Watbleef, höbe ze niks beter te doen
Jawel, nein, jao, ze zien hel aon ’t…, ’t is good zoe, aon ‘t wèrke
ze zien aon ’t klasjenere oonderein en dat is good
ze hawe ziech bezeg
Af en tow e bekske, e gekkebekske of ’n gebekske
en dat is de reie dat ze ziech nog boete laote zien.
De mierendeil vaan de Mestreechtenere höbe ’t good en die dat neet höbe die maag iech advisere
Bezeuk euze baank, dao kuump alles good.
Geer kint dao alles kwiet
eur verhaol, eur geld, bedaank.
Eure Databaank
©Jean van Gasteren
13-10-2024
je verdriet, je hebt het
net zoals ik, je bent niet alleen
de wind neemt niet alles mee
hoor de stem die zegt
ook jij mag huilen
zelfs met een lach op je gezicht
de wind neemt ons mee
draait zich om ons heen
laat ons waaien
samen drogen
ook jij bent nooit alleen
© Jean van Gasteren