Maastricht, 20-03-2025.
iech loup in zeven sloten
—
Iech loup in zeven slote tegeliek en höb nog steeds drug vuu,
get nate dröppels op miene kop, en dat is wie men zeet luie zweit.
De zon sjijnt boven op miene kop,
’t is bekans twelf oor en dat is neet verwoonderlek
Es iech dat had gewete, waor iech thoes gebleve en had iech miech drök gemaak euver de polletiek
De meiste zien op dreef,
make eurkes en sjrieve euver wat ze wèlle en neet euver wie ze dat bereike
Op mien sjouwers en euver miene rök, geer maag t wete, hingk eine groete zwarte jas met n prachteg bördsje….,
en dao kin vaan alles oonder verborge blieve.
’T water vaan de Maos, kuump oet mie daan zeve slote en loup gezamelek nao de zie, boe ‘t al golvend verdwijnt en niks noets neet mie te zien is.
Polletiek is neet lesteg, ’t is ’n kwestie vaan mixen.
Oet alle laoge vaan de bevolking get sjravele enne laot meh gewere. Wat neet doug, vege veer oonder ‘t karpet
iech loup met zeven slote tegeliek
zweitdruppels op miene kop
’t is bijkans twellf oor en dat is neet verwoonderlik
’T mieste velt vaan de sjouwers,
langs de rök aof nao oonder.
Lui oet de polletiek, kinne neet zwumme, die loupe ouch neet in zeven slote, ze höbe ’t zweit in hun han.
Iech loup door de stad,
langs sloten,
euver de maos,
oonder miech ’t water, ’t regent, mien han zien naat.
Wat kin of aanders gezag, wat is er mis met de polletiek?
Es veer ondergronds goon, de billen naat zien tot aon eus boorste, zien ze ’t weer gans vergete
-Veer wèlle neet zwumme.-
Bouw eine groete moer vaan hoeg hoeser op paole in de maos.
Laot alles in t midde,
neet groet deenke, meh doen.
Wandel en fietsbrugkses neet vergete.
’T is bekans twellf oor, de zon sjeint sjoen.
Iech huur uuch, iech huur uuch dinke, dee loup neet lang mie in zeven sloten, ouch neet euver zeven brögkskes, dee geit de polletiek in.
Geer kint uuch vergisse!
Mesjiens gaon iech nao zie, mien zun euverdeenke, ’t naat vaan miene kop aofvege.
’T is twellf oor, iech haang miene jas aon de kapstok,
dee zal noets neet mie naat weure.
©Jean
